A fin de semana do 14 ao 16 de Xullo terá lugar nas instalacións do Centro Hípico Casas Novas, o Concurso de Saltos Internacional que este ano como novidade, pertencerá ao Longines Global Champions Tour. Trátase da maior liga outdoor mundial. Este ano a sede de Nova York foi cancelada e por iso o circuíto buscou unha sede alternativa (só para 2023) e a elixida foi Casas Novas.
Para amenizar o evento haberá servizo de apostas, concertos en directo, zona comercial e para os máis pequenos, un parque infantil con animadores, talleres e pony park.
As invitacións estarán dispoñibles na web de www.csicasasnovas.com desde o venres 23. Poderán descargarse un máximo de 4 invitacións por día e por persoa. Tamén desde esta mesma ligazón, ademais de información sobre o concurso, poderá accederse a Live Streaming.
